Samanlikning av «lesson studies» på tvers av landegrenser

An international comparative study of mathematics and science lesson study in Norway, Denmark, Greece, China, Ethiopia and USA

Lesson study er ei form for skulebasert profesjonsutvikling som har ei lang historie i Japan og Kina. Ved skulane i Kina jobbar lærarforskingsgrupper tett saman når dei planlegg undervisninga og gjennomfører undervisningsstudiar (lesson studies) med planlegging, gjennomføring og refleksjon over timane.

Målet for prosjektet «An international comparative study of mathematics and science lesson study in Norway, Denmark, Greece, China, Ethiopia and USA» er å samanlikne lesson studies innan matematikk- og naturfagundervisning på tvers av seks land: Noreg, Danmark, Hellas, Kina, Etiopia og USA. Ved å foreine erfarne matematikk- og naturfagsdidaktikarar, forskarar og doktorgradsstudentar frå leiande lærarutdanningsinstitusjonar i desse landa ønskjer forskarane å bidra med forskingsbasert kunnskap som kan ha internasjonal betydning.

I praksis vil forskingsgruppa utvikle undervisningsstudiar matematikk- og naturfag innanfor ein modell som integrerer desse nøkkelkomponentane: oppgåvedesign, leksjonsførebuing, klasseromsimplementering og observasjon, evaluering og refleksjon. Dei vil også undersøkje innovative måtar å bruke eksisterande ressursar og teknologi (t.d. KI) innan undervisning, vurdering og tilbakemelding, og bygging av profesjonelle læringsfellesskap.

Prosjektgruppa siktar seg inn på søknadar til FRIPRO i 2026 og EU-Horizon i 2027.

Prosjektet er knytt til forskingsgruppa Lesson design study and teaching resources.